Policia e Kosovës, Drejtoria Rajonale e Policisë në Prizren, ka kërkuar ndihmë për bashkëpunim nga qytetarët për identifikimin dhe lokalizimin e të dyshuarave për veprën penale “vjedhje”.
Sipas njoftimit të Policisë së Kosovës, dy të dyshuarat kërkohen për veprën penale “vjedhje”, e cila ka ndodhur më 23 korrik të vitit 2022 në një qendër tregtare në qytetin e Prizrenit.
“Kushdo që ka informacion për vendndodhjen e personave të kërkuar në foton e bashkangjitura, të lajmërojë Policinë e Kosovës apo të lajmërohet në stacionin më të afërt policor”, thuhet në njoftimin zyrtar.