Oda Ekonomike Gjermano-Kosovare mban konferencën “Ndikimi i liberalizimit të vizave: Sfidat dhe mundësitë për bizneset nga Kosova”.
Në këtë konferencë do të mbahen disa panele diskutimi, ku pjesëmarrës do të jenë edhe përfaqësues të nivelit të lartë politik sikur zëvendëskryeministri Besnik Bislimi, ambasadori gjerman Jörn Rohde dhe përfaqësues të organizatave sikur IOM Kosova, GIZ, Friedrich Ebert Stiftung dhe të tjera.
“Kjo konferencë organizohet nga Oda Ekonomike Gjermano-Kosovare, në bashkëpunim me International Organization for Migration (IOM) dhe Friedrich-Ebert-Stiftung (FES), si dhe Kantar (Index Kosova)”, njofton OEGJK.
Sipas njoftimit, kjo konferencë do të fillojë nga ora 09:00 dhe do të zgjasë deri në orën 14:30.
Kjo është agjenda e kësaj konference:
- 09:00 – Fjalët hapëse nga Anna Rostocka (IOM) dhe Hakan Ejdervik (Zyra e BE-së)
- 09:20 – Paneli i parë i diskutimit “Liberalizimi i vizave mobiliteti i punës”
- 10:20 – Paneli i dytë i diskutimit “Implikimet ekonomike i rritjes së mobilitetit të punës”
- 13:00 – Paneli i tretë i diskutimit “Përgjigjet e politikave dhe rekomandimet”
- 14:00 – Vizioni strategjik – Folës Besnik Bislimi, zv.kryeministër i Qeverisë së Kosovës dhe Jorn Rohde, ambasador i Gjermanisë në Kosovë
- 14:30 – Vërejtjet mbyllëse