Policia e Kosovës ka larguar edhe gjashtë kamera në Zubin Potok.
Kështu ka bërë të ditur për Dukagjinin, zëvendësdrejtori për rajonin e veriut, Veton Elshani.
Ai ka thënë se në verë të këtij viti janë larguar edhe shtatë të tjera, ndërsa në Mitrovicë të Veriut gjatë këtij viti janë larguar 38 kamera.
“Sipas ligjit në fuqi, monitorimin me kamera të vendeve publike e bën veç Policia e Kosovës. Në kuadër të asaj që u tha, sot në Zubin Potok kemi larguar nga monitorimi 6 kamera, ndërsa në verë të këtij viti i kishim larguar edhe 7 të tjera. Ndërsa nga Mitrovica Veri këtë vit janë larguar 38 kamera po ashtu”, ka thënë Elshani.