Kryeministri i Kosovës, Albin Kurti, në një konferencë të përbashkët për medie me ministren e Punëve të Jashtme dhe Diasporës, Donika Gërvalla, ka thënë se nuk mendon që është i përkryer, por nuk ka asnjë drejtim të gabuar.
“Unë nuk mendoj se kam qenë dhe as nuk jam i përkryer, ka pasur fusha në të cilat do të dëshiroja që të shkojmë më shpejt, por nuk ka asnjë drejtim të gabuar”, ka thënë Kurti.
Kurti ka thënë se në këtë drejtim nuk ka asnjë lloj dashakeqësie.
“Nuk ka kurrfarë dashakeqësie, përkundrazi, interes publik për të mirën e qytetarëve”, ka thënë tutje kreu i ekzekutivit.
Mes të tjerash, kryeministri Kurti është shprehur se opozita është e pakënaqur, sepse është në opozitë dhe se nuk mund t’i ndihmojë.
“Të gjitha kritikat ne i marrim me shumë vëmendje e kujdes, sepse na ndihmojnë”, është shprehur kryeministri i vendit, Albin Kurti.