Gjatë kësaj të premteje, pritet të nënshkruhet një marrëveshje e nëngrantit në mes të Ministrisë së Financave dhe kompanisë Rajonale të Ujësjellësit “Prishtina”.
Kjo marrëveshje do të jetë në vlerë prej 13.2 milionë eurosh.
Marrëveshja do të nënshkruhet për projektin “Klima e Përshtatshme për Zhvillimin Urban të Ujërave të Zeza – Prishtinë”.
Në nënshkrimin e kësaj marrëveshjeje marrin pjesë ministri i Financave, Hekuran Murati, udhëheqësja e Sektorit për Bashkëpunim dhe Zhvillim në Ambasadën gjermane, Vera Baumann dhe kryeshefi ekzekutiv i KRU “Prishtina”, Arsim Fetahu.
Sipas njoftimit, ceremonia e nënshkrimit do të mbahet në objektin e Qeverisë. /EO