Pritjet e gjata në pikat kufitare për bashkatdhetarët po vazhdojnë edhe gjatë kësaj të enjte.
Përmes një komunikate për media, Policia e Kosovës ka njoftuar se në orët e pasdites në pikëkalimin kufitar në Merdarë, në hyrje të Republikës së Kosovës, nuk ka pasur ndonjë raportim për pritje apo kolona të gjata, përderisa në dalje janë evidentuar pritje më tepër se 3 orë.
Policia e Kosovës ka inkurajuar bashkatdhetarët që t’i shfrytëzojnë pikëkalimet e tjera kufitare ku fluksi i njerëzve është më i vogël.
“Ne inkurajojmë të gjithë ata persona që shfrytëzojnë pikëkalimet kufitare në këtë periudhë për dalje nga Republika e Kosovës, të përdorin edhe alternativa (pika tjera kufitare) tjera, ku fluksi është më i vogël, në mënyrë që t’u shmangen pritjeve dhe kolonave eventuale”, thuhet në komunikatën për media.