Bashkimi Evropian nuk do të heqë ende masat kundër Kosovës, ka thënë zëdhënësi i BE-së, Peter Stano.
Sipas Stanos, Kosova duhet të ndërmarrë hapa të nevojshëm për depërshkallëzim dhe për t’i trajtuar problemet që kontribuuan në krizën e fundit, përkundër sulmit terrorist të 24 shtatorit në Banjskë, ku mbet i vrarë rreshteri policor, Afrim Bunjaku.
“Zëdhënësi i BE-së thotë se BE-ja nuk do të heqë ende masat kundër Kosovës, duke thënë se Kosova duhet “të ndërmarrë hapat e nevojshëm për të depërshkallëzuar, për të trajtuar problemet që kontribuuan në krizën e fundit”, përkundër sulmeve terroriste vdekjeprurëse në Banjska”, ka thënë ai.
Ai theksoi se BE-ja do të punojë për t’u ndihmuar palëve t’i zbatojnë ato për çfarë janë zotuar dhe e përsëriti se ato janë të detyrueshme për palët.
Stano tha të hënën në Bruksel se fillimi i zbatimit të marrëveshjes për targat këtë javë në mes të dy vendeve tregon se “kur ka vullnet nga palët, atëherë edhe përparimi është i mundur”.
Kosova dhe Serbia njohën edhe zyrtarisht targat e njëra-tjetrës, duke mos e zbatuar nga 1 janari regjimin e letrave ngjitëse, që mbulonin simbolet shtetërore në targa kur automjetet lëviznin në territoret e tyre përkatëse.
“Puna në dialog vazhdon dhe fokusi është në implementim të asaj që është arritur pajtim në Bruksel dhe më pas në Ohër vitin e kaluar. E pamë në rastin e njohjes së targave të veturave se progresi është i mundur. Palët u pajtuan për zbatimin e vendimit për targat”, tha Stano.
Ai theksoi se BE-ja do të punojë për t’u ndihmuar palëve t’i zbatojnë ato për çfarë janë zotuar dhe e përsëriti se ato janë të detyrueshme për palët.