Sekretari amerikan i Shtetit, Antony Blinken, ka vazhduar edhe sot takimet e tij, derisa gjatë ditës së sotme është takuar edhe me kryeministrin izraelit, Benjamin Netanyahu.
Në takim me të, ai ka diskutuar për tensionet me Libanin.
Blinken i ka thënë kabinetit të luftës se Shtetet e Bashkuara të Amerikës (ShBA) qëndrojnë me Izraelin për të garantuar sigurinë e kufirit të tij verior dhe se është i përkushtuar të punojë me Izraelin për të gjetur një zgjidhje diplomatike për të garantuar sigurinë në Izrael dhe Liban.
“Paqja e qëndrueshme kërkon një rrugë drejt një shteti palestinez, dhe kjo ka nevojë për një qasje rajonale – këto synime janë të arritshme, por vetëm nëse ndiqen së bashku”, ka thënë sekretari amerikan i Shtetit, raporton BBC, përcjell Dukagjini.
Blinken ka thënë tutje se Izraeli duhet të jetë partner i udhëheqësve palestinezë, të cilët janë të gatshëm të udhëheqin popullin e tyre për të jetuar krah për krah në paqe me Izraelin si fqinjë.