Analisti Dardan Gashi, në “Debat Plus” në RTV Dukagjini, për kamerat me inteligjencë artificiale që do të vendosen në Prishtinë, ka thënë se kjo është tmerruese.
“Këtu ipej përshtypja pikërisht ‘Big Brother’ që sipas kryetarit Rama, dikush qëndron para kamerave 24 orë dhe shikon mos dikush po hedh mbeturina…Nëse kjo çfarë ka thënë kryetari është e vërtetë, është tmerruese dhe është ‘Big Brother’”, ka thënë Gashi.
Gashi ka thënë se për këto kamera nuk ka fare bazë ligjore. “Këtu ka qenë shqetësimi im, ka ju ka ardhë ideja, ku e ka bazën ligjore, pse ka ardhur deri këtu”.
Ndërsa, nëse vendosja e këtyre kamerave është e pavërtetë, sipas Gashit, është shumë keq që kreu i Prishtinës dezinformon.
“Nëse nuk është e vërtetë, atëherë është shumë keq që kryetari dezinformon, që nuk di se për çfarë flet, shqetëson qytetarët. Nëse nuk është e vërtetë duhet të dalë të kërkojë falje”, ka thënë tutje analisti Dardan Gashi.