Një kirurg në Spitalin e Gjilanit është arrestuar pasi i njëjti dyshohet se ka sulmuar fizikisht kolegun e tij.
Këtë për Portalin Dukagjini, e ka konfirmuar Ismet Hashani, zëdhënës i Policisë së Kosovës për rajonin e Gjilanit.
Ai ka bërë të ditur se viktima ka pësuar lëndime të lehta trupore dhe ka pranuar trajtim mjekësor.
“Ankuesi (sh/k/m 1978), i cili punon mjek në Spitalin Regjional në Gjilan, derisa ishte në zyrën e tij te reparti i Kirurgjisë, është sulmuar fizikisht nga kolegu i tij i dyshuari L. M., duke pësuar lëndim të lehtë trupor dhe ka pranuar tretman mjekësor”, tha Hashani.
Sipas tij, i dyshuari është larguar nga vendngjarja, ndërsa me vendim të prokurorit të shtetit i njëjti më pas është dërguar për 48 orë në mbajtje.
Rasti është cilësuar si “Lëndim i lehtë trupor” dhe po hetohet nga stacioni policor në Gjilan.