Kryetari i Partisë Demokratike të Kosovës (PDK), Memli Krasniqi, ka përkujtuar vëllezërit Gërvalla dhe Kadri Zekën në 42-vjetorin e vrasjes së tyre.
Ai, përmes një postimi në Facebook, ka shprehur lavdi e mirënjohje të përjetshme për kolosët dhe veprimtarët e paepur të çështjes kombëtare që frymëzuan brezin e lirisë.
“Tre ranë, me mijëra u ngritën – pjesa tjetër është histori! Lavdi e mirënjohje e përjetshme për kolosët dhe veprimtarët e paepur të çështjes kombëtare që frymëzuan brezin e lirisë, Jusuf Gërvalla, Kadri Zeka e Bardhosh Gërvalla, të cilët, 42 vite më parë, u ekzekutuan nga dora e shërbimit sekret jugosllav në Untergrupenbach të Gjermanisë”, ka shkruar Krasniqi.
Sot bëhen 42 vjet nga vrasja e Jusuf e Bardhosh Gërvallës dhe Kadri Zekës. Ata u vranë në një atentat që ka ndodhur në Untergrupenbach të Gjermanisë.