Të gjithëve u mungon aksesi i mirë në trajtime inovative, të cilat mund të duhen vite për t’u bërë të disponueshme në vendet në zhvillim.
Por, tani Pfizer planifikon t’i vërë në dispozicion të gjitha ilaçet e saj të patentuara me një çmim jofitimprurës për kombet më të varfra të botës.
Kjo do të përfshijë trajtime për sëmundjet infektive dhe kanceret.
Njoftimi e bëri shefi ekzekutiv i kompanisë Albert Bourla në mbledhjen e Davosit të liderëve të biznesit dhe botës.
“Pfizer është e emocionuar dhe krenare për të nisur një marrëveshje për një botë më të shëndetshme. Nëpërmjet kësaj nisme novatore, Pfizer do të ofrojë të gjitha ilaçet dhe vaksinat e saj të patentuara që janë të disponueshme në SHBA ose Bashkimin Evropian në baza jofitimprurëse në 1.2 miliardë njerëzit që jetojnë në 45 vende me të ardhura më të ulëta.”
Marrëveshja do të përfshijë ilaçe të reja pasi ato të dalin.
Ajo u mirëprit nga udhëheqësit afrikanë të pranishëm në ngjarjen zvicerane, duke përfshirë presidentin e Ruandës, Paul Kagame.
“Angazhimi i Pfizer në kuadër të programit Accord vendos një standard të ri në këtë drejtim, të cilin ne shpresojmë ta shohim të imituar nga të tjerët, të kombinuar me investime shtesë në forcimin e sistemeve të shëndetit publik të Afrikës dhe rregullatorëve farmaceutikë.”