Ministrja e Drejtësisë, Albulena Haxhiu, ka reagua duke e konsideruar tronditës rastin e vrasjes së të riut Lulzim Fejzullahu në Podujevë nga “dy bashkëmoshatarë të tij”.
E para e drejtësisë ka thënë se “është tmerrues fakti kur dëgjon për humbjen e jetës së një të riu, aq më shumë kur jeta e tij merret dhunshëm, në mënyrë totalisht të pamëshirshme”.
“Kjo ngjarje tronditëse prekë në ndërgjegjet tona qytetare dhe tërheqë alarm institucional, për edukim të mirëfillt të fëmijëve”, ka shkruar ajo në Facebook.
Më tej Haxhiu ka kritikuar edhe mediat të cilat publikuan pamjet e sulmit brutal ndaj Fejzullahut.
“Sikur ky lajm të mos mjaftonte, disa media publikuan edhe pamjet brutale të këtij akti, pamje të cilat nuk mund të jenë të dobishme për askë veçse për Pokurorinë”, ka shkruar ajo.
Ajo ka thënë se ka mungesë të emisioneve edukative, emancipuese nga njëra anë kurse nga ana tjetër “me nxitim shpërndarje të pamjeve të dhunës e vrasjeve. Kjo nuk është në rregull dhe si e tillë nuk mund të pranohet”.
Në fund Haxhiu ka thënë se për vrasjen e Lulzimit “drejtësia duhet të veprojë dhe dorasët duhet të marrin dënimet e meritore” duke shprehur edhe ngushëllime familjes dhe shoqërisë së Lulzimit.