Të mërkurën e 1 qershorit, Kombëtarja e Kosovës udhëton drejt Qipros, ku “Dardanët” do të luajnë ndeshjen e parë në kuadër të sezonit të ri të Ligës së Kombeve.
Në ndeshjen me Qipron nuk do të jetë i pranishëm lojtari Mërgim Vojvoda, për shkak të lëndimit.
Në sezonin e ri të Ligës së Kombeve, Kosova është në grupin e dytë të Ligës C, bashkë me Irlandën e Veriut, Greqinë dhe Qipron.
Ekipi i Alain Giresse, më 5 qershor në “Fadil Vokrri” do të luajë kundër Greqisë. Po ashtu, si vendas skuadra “verdh e kaltër” do të luajë kundër Irlandës së Veriut. Ndërkaq më 12 qershor, do ta luajë ndeshjen kthyese si mysafire në Greqi.