Në mbledhjen e sotme, Qeveria e Kosovës ka miratuar propozimin për shpronësimin e pronave shtesë që preken nga realizimi i projektit për ndërtimin e autostradës Prishtinë-Gjilan.
Kryeministri i Kosovës, Albin Kurti, ka thënë se shpronësimi i pronave të paluajtshme ka të bëjë me segmentin Banullë dhe Bresalc.
Kurti është shprehur se është e nevojshme që të kryhen procedurat për shpronësime shtesë.
“Për shpronësim shtesë për interes publik të pronave të paluajtshme që preken nga realizimi i projektit, ndërtimi i autostradës Prishtinë-Gjilan, segmenti Banullë-Bresalc, për realizimin e këtij projekti është e nevojshme që të kryhen procedurat për shpronësime shtesë”, ka thënë kreu i ekzekutivit.