Gjykata Themelore në Ferizaj ka dhënë detaje lidhur me përfshirjen nga zjarri të objektit të Gjykatës në Kaçanik.
Lexo më shumë: Përfshihet nga zjarri objekti i Gjykatës në Kaçanik, dyshohet për zjarrvënie të qëllimshme
Përmes një komunikate për media, gjykata ka njoftuar se sot rreth orës 04:00 të mëngjesit, zjarri ka kapluar një pjesë të dy zyrave të kësaj gjykate.
“Ekipi i zjarrfikësve dhe policia kanë dalë menjëherë në vendin e ngjarjes me çka është lokalizuar zjarri, janë ndërmarrë masat e nevojshme dhe zjarri është shuar, si dhe kanë zhvilluar procedurat dhe marrjen e provave. Si pasojë e zjarrit ka pas dëme materiale, por jo pasoja me njerëz”, thuhet në komunikatën për media.
Bëhet e ditur se sipas të dhënave të organeve kompetente dyshohet për zjarrvënie nga persona të panjohur deri më tani.