Ministri i Kulturës, Rinisë dhe Sportit, Hajrullah Çeku, e ka pritur në takim boksieren Donjeta Sadiku, e cila ka siguruar normën për Lojërat Olimpike, të cilat do të mbahen gjatë këtij viti në Paris.
Përmes një postimi, ministri Çeku ka thënë se vajzat janë duke dominuar në sport dhe se Sadiku tashmë i kishte premtuar medalje në këto lojëra.
Ministri i ka uruar suksese boksieres në mbajtjen e Lojërave Olimpike.
“Vajzat po dominojnë me suksese në sport. Donjetën e prita sot në kabinet pas sigurimit të normës olimpike për Paris 2024. Na premtoi medalje në Lojërat Olimpike. I uroj shumë suksese në Paris”, ka shkruar ministri.