Ambasadori gjerman në Kosovë, Jorn Rohde, e ka cilësuar si hap historik dritën jeshile që i dha kryeministri Albin Kurti, zbatimit të vendimit për Manastirin e Deçanit.
Edhe pse i vonuar, Rohde ka theksuar se është hap i rëndësishëm në përkushtimin e Kosovës ndaj sundimit të ligjit.
“U krye më në fund. Edhe pse zbatimi i vendimit të Gjykatës Kushtetuese për Deçanin qe vonuar shumë, ai shënon një hap të rëndësishëm në përkushtimin e Kosovës ndaj sundimit të ligjit. Ne i përgëzojmë Qeverinë e Kosovës, të gjithë aktorët politikë të përfshirë dhe Manastirin e Deçanit për këtë moment historik”, ka shkruar Rohde, në X.
It's finally done🙌🏽
Even though the implementation of the 🇽🇰 @Const_CourtRKS's Decani ruling was long overdue, it marks an important step in 🇽🇰's commitment to rule of law⚖️. We congratulate the 🇽🇰 government, all political actors involved & the @DecaniMonastery on this milestone— Ambassador Jörn Rohde (@GermanAmbKOS) March 13, 2024