Më 19 mars të këtij viti, kryenegociatori i Kosovës, Besnik Bislimi dhe ai i Serbisë, Petar Petkoviq pritet të takohen në Bruksel.
Një takim për normalizimin e marrëdhënieve mes Kosovës dhe Serbisë në nivel të kryenegociatorëve.
“Duhet të pranojë se marrëdhëniet tona kanë disa sfida tash, e këto sfida janë për shkak të trajtimit të minoritetit serb në Kosovë. Është çështje emergjente humanitare që duhet adresuar menjëherë. Shpresoj që Qeveria është pajtuar të jetë fleksibile në këto diskutime në dialog të martën. Në ndërkohë e kam përgëzuar kryeministrin për vendimin që ka marrë për Deçanin. Ishte vendim i vështirë, por i duhur”, ka thënë emisari special i SHBA-ve për Ballkanin Perëndimor, Gabriel Escobar
Escobar ka treguar se ka dëgjuar rrëfimet e qytetarëve lidhur sfidat që po përballen nga rregullorja e re e BQK-së.
Kryeministri i Kosovës, Albin Kurti, ka thënë se vendimi i BQK-së nuk do të zhbëhet, por pas takimit, Escobar ka thënë se Kurti i ka premtuar se do të shqyrtojë disa propozime të tij për dinarin.
Lexo më shumë: Escobar pas takimit me Kurtin: Më premtoi se do t’i shqyrtojë propozimet e mia për dinarin
“Janë ata [serbët në Kosovë] anëtarët më të cenueshëm, personat me aftësi të kufizuara, pensionistët dhe studentët. Jam prekur nga rrëfimet e tyre se si vendimi i ka prekur ata. Kryeministri e pranoi këtë dhe premtoi se do të shikonte disa nga propozimet që ia paraqita sot”, ka deklaruar Escobar para medieve.
Emisari amerikan, mes të tjerash, ka theksuar se SHBA-ja mbetet partnerja më e besueshme dhe më e angazhuar e Kosovës, por, sipas tij, çështja e dinarit paraqet sfida në raportet me Kosovën