Në portin e Durrësit, të enjten e 14 marsit, është mbajtur ceremonia e pritjes së nëndetëses turke “TCG Anafartalar (S356)”.
TCG Anafartalar (S356) është nëndetëse e tipit 209/1400 e klasit Preveze, e ndërtuar në kantierin detar Gölcük në Turqinë veriore.
Një nga katër nëndetëset e këtij klasi, konsiderohet jo vetëm një aset i vyer i flotës luftarake i forcave të aleancës, por edhe simbol i krenarisë së marinës turke.
Sipas Autoritetit Portual Durrës, kjo nëndetëse është e njohur për realizimin e misioneve të shumta kombëtare dhe shumëkombëshe.