Ish-Komandanti i UÇK-së, Hisen Berisha ka folur më shume në 25 vjetorin e ndërhyrjes së NATO-s, në emisionin “Rreth e Rrotull”.
Sipas Berishës, refuzimi i Serbisë në raport me ofertën e Bashkësisë Ndërkombëtare, për një zgjidhje paqëesore për të respektuar lirinë dhe të drejtat e shqiptarëve, solli deri te situata kur duhej të ndërhynte NATO-ja.
Berisha tregoi se për ndërhyrjet e NATO-s nuk kishin ndonjë informacion.
“Nuk kishim ndonjë informatë por e kishim një parashikim se mund të ndodhte sepse gjithë ato bisedime do ta kishin një epilog,” tha Berisha
“Ndërhyrja e NATO-s ishte cmimi i një 10 vjecari të asaj rezistence paqësore aktive, e asaj lufte diplomatike, sensibilizimit të mbarë botës demokratike me cështjen e shqiptarëve dhe një terreni politik që pastaj mundësoi që ne ta bënim një luftë Çlirimtare e cila edhe arriti objektivin e saj.”
Ish-komandanti tregoi se në atë kohë ishin në fusha të luftës, duke kryer detyra luftarake të caktuara, poashtu duke identifikuar objektivat e armikut për të qenë të përgatitur.
“Ndërhyrja e NATO-s goditjet e para janë bërë te qendra ndërlidhëse në prishtinë, ishte një sinjal që garantonte fitoren dhe garantonte dhe mbështeste lirinë e popullit shqiptarë,” shtoi Berisha.
E kjo ndërhyrje, për Berishën ka qenë pikërisht për shkaqe humanitare, pasi rritja intesifikimi i brutalitetit të represionit gjenocidial nga serbët në Kosovë e shkaktoi edhe ndërhyrjen e NATO-s.
“Ndonëse ndonjëherë do të shënohej dita e shpëtimit të kombit duhet të ishte 24 marsi i vitit 99’,” u shpreh Berisha.