Kryeministri i Kosovës, Albin Kurti, i ka bërë thirrje Prokurorisë së Shtetit t’i trajtojnë me seriozitet rastet e krimeve të kryera gjatë luftës në Kosovë.
“Për drejtësi, që shëron e mbyll plagët e hapura e të njoma të familjeve të cilat i dhanë kaq shumë Kosovës për çlirim”, ka thënë Kurti.
Ai ka thënë se në 25 vjetorin e masakrës së dytë në Abri të Epërme të Drenicës, përkujtuan të vrarët e familjes Muliqi.
“Pas masakrës së 26 shtatorit, ku u vranë 23 anëtarë të familjes Deliu, forcat e armatosura serbe më 30 mars 1999, vranë tetë djem e burra të familjes Muliqi. Katër nga ta ishin nxënës të moshave nga 13 deri 17 vjeҫ”, ka thënë kryeministri.
Ai ka thënë se Sejfulla Muliqi është dëshmor i kësaj familje, i cili pa i mbushur 17 vjet, kishte i’u kishte bashkëngjitur UÇK-së, për të luftuar forcat okupatore serbe.