“Trajnimi i 400 ekstremistëve serbë”, Sopjani: Të mos harrojmë për projektin 5 mijë të Serbisë

"Kur flasim për trajnime, po flasim për 400, po e harrojmë projektin 5000 të Serbisë, i cili ka për qëllim të trajnojë 5000 pjesëtarë të njësive speciale të Serbisë duke përfshirë njësi parashutiste, më të specalizuara që kanë detyra më deversante. Krejt kjo në kuadër të projektit të botës serbe", ka deklaruar ish-inspektori i AKI-së, Shkelzen Sopjani

Ministri i Brendshëm, Xhelal Sveçla, të hënën e 1 prillit ka thënë se rreth 400 ekstremistë serbë po trajnohen përreth kufirit me Kosovën.

Sipas tij, nevojitet vetëm një urdhër i presidentit të Serbisë, Aleksandar Vuçiq, që ata të nisin sulme agresive.

Në lidhje me këtë deklaratë, ish-inspektori i Agjencisë Kosovare të Inteligjencës (AKI), Shkelzen Sopjani, ka thënë se kur flitet për 400 ekstremistë serbë nuk duhet të harrohet se Serbia ka një projekt me anë të cilit ka për synim që të trajnojë 5000 pjesëtarë të njësive speciale të Serbisë.

“Kur flasim për trajnime, po flasim për 400, po e harrojmë projektin 5000, i cili ka për qëllim të trajnojë 5000 pjesëtarë të njësive speciale të Serbisë, duke përfshirë njësi parashutiste, më të specalizuara që kanë detyra më deversante. Krejt kjo në kuadër të projektit të botës serbe”, ka thënë Sopjani.

Ndërkaq, eksperti i sigurisë, Nuredin Ibishi, deklaratën e Sveçlës e ka cilësuar si të duhur, pasi sipas tij, ndonëse nuk duhet të ketë panikë është mirë të ketë gatishmëri për të parandaluar veprimet e tilla.

Sipas Ibishit, më mirë është me kohë të alarmohet sesa të ketë pasoja.

“Nuk ka pse të bëhet panik, të jetë gatishmëria për të parandaluar dhe vepruar nëse ka diçka. Më mirë është me kohë të alarmohet sesa të merremi me pasoja. Në herën eparë ndodhi rasti, pati indikacione”, ka deklaruar Ibishi.

Ndryshe, dje ministri i Brendshëm, Xhelal Sveçla, ka thënë se rreth 400 ekstremistë serbë po trajnohen përreth kufirit me Kosovën. Sipas tij, nevojitet vetëm një urdhër i presidentit serb, Aleksandar Vuçiq, që ata të nisin sulme agresive.

Sveçla ka shtuar se po përgatiten për ta parandaluar çdo skenar serb, por edhe për t’u ballafaquar.

“Rreth 400 ekstremistë serbë po trajnohen në zonat përreth kufirit me Kosovën dhe me një urdhër të Vuçiq mund të aktivizohen në sulme agresive”, ka thënë Sveçla për “News24”.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika