Një ditë para se të fillojë regjistrimi i popullsisë, Agjencia e Statistikave të Kosovës ka dalë me një njoftim se kush nuk përfshihet në Regjistrim.
“Personeli ndërkombëtar diplomatik, i zyrave të tjera ndërlidhëse dhe stafi ushtarak i KFOR-it nuk përfshihen në Regjistrim”, thuhet sipas njoftimit.
Sipas ASK-së, regjistrimi siguron të dhëna edhe për personelin diplomatik dhe ushtarak të Kosovës që regjistrohen si popullsi rezidente por që jetojnë jashtë Kosovës.
Regjistrimi i popullsisë do të realizohet nga data 5 prill deri më 17 maj 2024 dhe për të gjithë qytetarët e tjerë është obligim ligjor.