Brenda 24-orëve të fundit në vendin tonë janë raportuar tri raste të dhunës në familje.
Këto raste u raportuan në Malishevë, Klinë dhe në Prishtinë.
Lidhur me rastin e ndodhur në Malishevë, i dyshuari është arrestuar pasi i njëjti pas një mosmarrëveshjeje dyshohet se ka sulmuar viktimën.
“Malishevë 11.04.2024-15:00. Është arrestuar i dyshuari mashkull kosovar pasi i njëjti pas një mosmarrëveshjeje dyshohet se ka sulmuar viktimën femër kosovare. Viktima ka pranuar tretman mjekësor. Me vendim të prokurorit i dyshuari dërgohet në mbajtje”, thuhet në raportin 24-orësh të Policisë së Kosovës.
Ndërsa, lidhur me rastin në Klinë, gjatë kontrollit tek i dyshuari që kishte sulmuar viktimën, Policia i ka gjetur dhe sekuestruar një sasi të substancave narkotike të llojit marihuanë.
“Klinë / 11.04.2024 – 00:28. Është arrestuar i dyshuari mashkull kosovar pasi dyshohet se ka sulmuar viktimën mashkull kosovar. Gjatë kontrollit tek i dyshuari është gjetur dhe sekuestruar sasi e substancave narkotike të llojit marihuanë. Viktima ka pësuar lëndime të lehta trupore. Me vendim të prokurorit i dyshuari është dërguar në mbajtje”, thuhet në raportin policor.
Gjersa, në Prishtinë është arrestuar i dyshuari pasi i njëjti pas një mosmarrëveshjeje dyshohet se ka ushtruar dhunë ndaj viktimës.
“Prishtinë 11.04.2024-18:50. Është arrestuar i dyshuari mashkull kosovar pasi i njëjti pas një mosmarrëveshjeje dyshohet se ka ushtruar dhunë ndaj viktimës femer kosovare. Viktima ka pranuar tretman mjekësor. Me vendim të prokurorit i dyshuari dërgohet në mbajtje”, thuhet në raportin e përditshëm të PK-së.