Njësitet Antikontrabandë të Doganës së Kosovës të hënën kanë sekuestruar substanca narkotike gjatë Kontrollit të një automjeti në Prishtinë.
Gjatë kontrollit, në veturë është zbuluar një sasi prej pesë gramësh e identifikuar si marihuanë.
“Njesitet Antikontrabande të Doganës së Kosovës, në orët e hareshme të mëngjesit, kanë ndaluar për kontroll një automjet të dyshimt në qytetin e Prishtinës. Gjatë kontrollit nuk është gjetur mall i kontrabanduar, megjithatë, në procesin e kontrollit, është zbuluar një sasi prej 5 gramësh e identifikuar si marijuanë”, thuhet në njoftimin e Doganës.
Siç thuhet tutje në njoftim, Njësitet Antikontrabandë të Doganës vazhdojnë të mbikëqyrin dhe të veprojnë në përputhje me ligjin, duke garantuar që territori i Kosovës të mbetet i sigurt dhe i lirë nga veprimtaria e paligjshme.