Dy persona kanë humbur jetën në një aksident trafiku që ndodhi të dielën në Suharekë.
Nëpërmjet një raporti 24-orësh, Policia e Kosovës ka dhënë detaje lidhur me këtë aksident tragjik.
Siç thuhet në raport, një grua deri sa ishte duke e drejtuar automjetin e saj, nga pakujdesia ka kaluar në shiritin e kundërt të rrugës dhe është përplasur me motoçikletën, të cilën ishte duke e drejtuar viktima mashkull kosovar.
“Si pasojë e aksidentit vozitësi i motoçikletës si dhe viktima (pasagjeri që gjendej në motoçikletë) mashkull kosovar kanë ndërruar jetë në vendin e ngjarjes sipas konstatimit të mjeku kujdestar, kurse lëndime trupore kishin pësuar dy viktima femra kosovare, pasagjere në veturë”, ka njoftuar policia.
Dy persona humbin jetën në një aksident në Suharekë
Pasagjerët në veturë janë dërguar për tretman mjekësor ku njëra është liruar, ndërsa tjetra është ndalur për tretman të mëtutjeshëm.
Me vendim të prokurorit trupat e pajetë janë dërguar në IML për obduksion, ndërsa e dyshuara është arrestuar dhe është dërguar në mbajtje.
Drejtori i Policisë së Prizrenit ka konfirmuar se njëri nga ta është 31-vjeçar dhe tjetri 20-vjeçar.