Ministri i Shëndetësisë, Arben Vitia, ka njoftuar se gjatë ditës së sotme është vendosur gurthemeli për klinikat e reja të hematoonkologjisë dhe të nefrologjisë.
Ministri ka njoftuar se projekti ka vlerën mbi 4 milionë euro dhe se i njëjti do të krijojë hapësira dhe standarde moderne për pacientët.
“Sipërfaqe prej 3760 m², me këtë investim sigurojmë më shumë cilësi e më shumë shërbime. Së shpejti për herë të parë do të jipet shërbimi i Plazmafererzes dhe po angazhohemi që të ofrohet edhe biopsia e veshkës”, ka shkruar Vitia.
Vitia ka bërë të ditur se në klinikën e re do të bëhet transplantimi autolog i palcës kockore te leukemitë akute, gjë që sipas tij, nuk është bërë deri më tani, ku për shkak të kushteve pacientët janë derguar jashtë vendit për trajtim.
“Kemi nisur nga aty ku ka nevojë më së shumti, po vazhdon transformimi klinikë për klinikë”, ka përfunduar ai.