Gjatë ditës së sotme një person është gjetur pa shenja jete në Doblibare të Gjakovës.
Lajmin për Dukagjinin e ka konfirmuar zëdhënësi i Policisë për rajonin e Gjakovës, Sheremet Elezaj.
Elezaj ka thënë se në vendngjarje kanë dalë njësitet e nevojshme policore si dhe ekipi mjekësor që kanë konstatuar vdekjen e viktimës.
“Rreth orës 16:30 është raportuar se viktima mashkull i moshës madhore është gjetur pa shenja jete në vendbanimin e tij në fshatin Doblibare-Gjakovë. Në vendin e ngjarjes kanë dalë njësitet e nevojshme policore si dhe ekipi mjekësor, të cilët kanë konstatuar vdekjen e viktimës. Me vendim të prokurori të shtetit është iniciuar rasti “hetim i vdekjes”, ndërsa trupi i pajetë do të dërgohet në IML për obduksion”, ka thënë Elezaj.