Aleksandër Vulin e Nenad Popoviq janë pjesë Qeverisë së re serbe.
E kjo ka ngritur shqetësime se nga ardhja e të sanksionuarve të Shteteve të Bashkuara të Amerikës do të forcohet ultranacionalizmi dhe vizioni i “botës serbe”.
Eksperti i çështjeve të sigurisë ndërkombëtare që punon në ShBA, Adrian Shtuni, e sheh këtë si shumë shqetësuese për Ballkanin.
“Zgjedhje e personave si Aleksandër Vulin e Nenad Popoviq në pozita të larta shtetërore, gjegjësisht si zëvendëskryeministër dhe ministër është një sinjal mjaftë shqetësuese që vjen nga Serbia. Duke e ditur se çfarë përfaqësojnë ata, kryesisht po flas për Vuilin ishin dy gjëra këtu, metaforikisht ishte një notë proteste ndaj SHB-ve dhe Evropës për mbështetjen ndaj Kosovës në Këshill të Evropës, po edhe kushteve të reja që i kanë venë Serbisë për normalizim me Kosovën nëse dëshiron të vazhdojë në trajektoret e BE-së.
Dhe e dyta ishte një mesazh që forcon sinjalizimin e linjës pro Putnin në Beograd, pro ultranacionaliste e pro vizionit të saj që njihej si ‘bota serbe’, dihet që eksponteti kryesor i saj është Vulini. Gjë që nuk i shërben stabiliteti në Ballkan. Ky nuk eshë opsionin personal, le të jemi të qartë këtu, ky është përfundim logjik i bazuar në ato çka apo shohim dhe në vlerësimet e autoriteteve amerikane, gjegjësisht, po flas vlerësim për Vulin dhe Popuvia nga Departamenti i Thesarit amerikan vjet”
Shtuni ka thënë se duke parë afërsinë e Vulinit me presidentin rus, Vladimir Putin, dhe llojin e kriminelit që është nuk mund të pritet asgjë e mirë nga ai.
Kurse, për analistin kosovar, Albinot Maloku, Qeveria e re serbe është një qeveri “copy-paste” e Qeverisë, Sllobodan Millosheviqit, kasapit të Ballkanit.
“Internat është që faktori ndërkombëtar nuk po është i gatshëm të reagojë, përkundrazi, e keni parasysh komisionari Varhely e uroi qeverinë e re të Serbisë. Qeveri e re e cila është ‘copy-paste’ e Qeverisë së Millosheviqit për nga mentaliteti dhe përçarja. Dhe unë konsideroj këto momente si kjo e Parlamentit britanik do të duhej edhe faktori sidomos perëndimor t’i merrte parasysh dhe të reagonte”, ka thënë Maloku në “FIVE” të Dukagjinit.