Kombëtarja e Kosovës në futboll do ta presë në shtëpi ekipin e kombëtares së Irlandës së Veriut.
Në këtë përballje, Kombëtarja e Kosovës hyn pas fitores në udhëtim ndaj Qipros dhe një humbje në shtëpi ndaj Greqisë.
Nga ana tjetër, Irlanda e Veriut kanë vetëm një pikë, pasi pësuan humbje nga Greqia dhe barazuan me Qipron.
Në këtë ndeshje, Kombëtarjë e Kosovës do ketë mungesa të lojtarëve. Mbrojtësi Fidan Aliti nuk do jetë pjesë e lojës pas ndëshkimit me kartonin e kuq në ndeshjen ndaj Greqisë. Gjithashtu, edhe portieri Aro Muriç do mungojë në këtë ndeshje për arsye të njëjta.
Në ndeshjet e qershorit s’po luajnë as mbrojtësit e krahut: Mërgim Vojvoda e Florent Hadërgjonaj, ndërsa mungon edhe mesfushori ofanziv, Bersant Celina.
Nga ana tjetër, Irlanda e Veriut do ketë mungesë të lojtarve për arsye se ka të lënduar lojtarët si: Stuart Dallas, Josh Magennis, Corry Evans e Craig Cathcart, të cilët do të mungojnë në katër ndeshjet e qershorit.
Sidoqoftë, të dyja kombëtaret janë të vendosura për ta fituar këtë sfidë, e cila mbahet sot në ora 20:45 në stadimin e Prishtinës “Fadil Vokrri”, si dhe vlen të kujtojmë se në këtë sfidë pritet të ketë një numër të madhë të tifozëve, pasi të gjitha biletat janë shitur.