Analisti Xhenur Iseni, për rezultatet e votimit deri më tani në zgjedhjet parlamentare në Maqedoni të Veriut, ka theksuar se diferenca prej 30 mijë votash sjell arsye për festim për koalicionin opozitar VLEN.
Ai ka thënë se nëse trendi vazhdon kështu, VLEN-i mund të presë suksese edhe më të mëdha, duke potencuar se mund të kenë një diferencë prej 95 mijë votash deri në fund.
Po ashtu, Iseni ka vlerësuar se aktivizimi i tyre është evident, duke e krahasuar me situatën disa javë më parë, kur ata shfaqeshin më pak para kamerave.
“Unë mendoj se ka, nëse vazhdon me këtë rezultat, ata duhet të bëjnë dasmë, sepse nëse vazhdon kështu mbi 95 mijë vota mendoj se deri në fund do t’i arrijë. Duke e bërë dallimin para dy javëve ata fshiheshin para kamerave, tani sheshi i qytetit është i mbushur me aktivistë të VLEN-it”, ka thënë ai.
Ai ka shtuar se nëse trendi i dallimit prej 30 mijë votash vazhdon, VLEN-i mund të sigurojë deri në katër deputetë, duke e cilësuar këtë si një fitore të rëndësishme për koalicionin opozitar.
“Nëse vazhdon ky trend me 30 mijë vota, dallimi mund të jetë deri në katër deputetë, kjo për VLEN-in është fitore”, ka deklaruar Iseni në “Debat Plus”.