Policia e Kosovës në raportin e përditshëm ka njoftuar se në dy shkolla në Lipjan kanë hyrë hajnat.
Në rastin e parë një punëtore teknike në shkollë në fshatin “Jeta e re” ka raportuar se gjatë natës ishte thyer dera e shkollës por se nuk është vërejtur se është vjedhur ndonjë gjë.
“Ankuesja femër kosovare punëtore teknike në shkollë, ka raportuar se gjatë natës ishte thyer dera e shkollës, nuk është vërejtur se është vjedhur ndonjë gjë. Rasti është duke u hetuar”, thuhet në raport.
Ndërsa, në një shkollë tjetër, përgjegjësi ka raportuar se përmes kamerave të sigurisë janë parë disa persona që kanë hyrë brenda dhe nuk dihet nëse kanë vjedhur diçka.
“Ankuesi mashkull kosovar, përgjegjës i shkollës, ka raportuar se përmes kamerave të sigurisë është vërejtur se persona të panjohur kanë hyrë brenda në objekt shkollor dhe ende nuk dihet se a është vjedhur diçka. Rasti është duke u hetuar”, thuhet në raportin e policisë.
Rastet janë iniciuar si “Vjedhje e rëndë në tentativë”.