Ushtruesi i detyrës i Organizatës së Veteranëve të Luftës së UÇK-së, i ka drejtuar kritika kryeministrit të Kosovës, për takimin e tij me zyrtarët e Eulex-it.
“I ke pas “kundërshtuar” e ua ke pas rrëzuar do xhipa, e tash dorëzoju ti medalje EULEX-it”, ka thënë ai.
Po ashtu, Faton Klinaku, i ka bërë ftesë kryeministrit Kurti, t’i pastrojë listat e veteranëve, por po ashtu ka thënë se veteranët të mos largohen nga rritja e pagës minimale.
“Veç sa i përket veteranëve, shko merri dosjet në prokurori e pastroi listat sepse je pushtet. Por, ke kujdes mos e prek ligjin e tyre, e mos vazhdo me kryeneçësi se veç përplasje ke me pas me ta dhe nuk e kemi ndërmend që të ndalemi, e përgjegjësia do të jetë kryekëput e jotja”, ka shkruar Klinaku në Facebook.
Ndryshe, me gjashtë qershor, Organizatat e dala nga lufta kishin protestuar para Kuvendit të Kosovës.
Kërkesë kryesore e tyre ishte përfshirja e tyre në rritjen e ligjit të ri për pagën minimale.
Protesta e tyre kishte eskaluar edhe në dhunë kur protestuesit kishin tentuar të hyjnë brenda objektit të Kuvendit të Kosovës, me ç’rast edhe ishin përplasur me Policisë Kosovës.