Policia e Kosovës ka njoftuar se gjatë ditës së djeshme [ e mërkurë] është gjetur një mjet i pashpërthyer në Mitrovicë. Njësia për deminim e KFOR-it e ka tërhequr dhe shpërthyer mjetin.
Në raportin ditor të PK-së thuhet se mjeti i dyshimtë ka qenë granatë dore.
“Dëshmitari kosovar ka raportuar se derisa ishte duke i kryer disa punime, ka gjetur një mjet të dyshimtë. Njësia policore ka siguruar vendin e ngjarjes derisa aty ka dalë njësia për deminim e KFOR-i, e cili ka tërhequr mjetin e dyshimtë (granatë dore) duke e shpërthyer në një vend të sigurt pa incidente”, thuhet në raportin 24-orësh të Policisë së Kosovës.