Shefi i grupit parlamentar të Aleancës për Ardhmërinë e Kosovës (AAK), Besnik Tahiri, ka thënë se si parti kanë pasur një qëndrim konsistent për marrëveshjen e Brukselit dhe të Ohrit.
“Qëndrimi konsistent i Aleancës në raport me Marrëveshjen e Brukselit dhe atë të Ohrit është bazuar në faktin se e kemi ditur që obligimi i mëvonshëm ndaj dakordimit ndërkombëtar është shumë më i dëmshëm e i kushtueshëm për vendin se obligimi fillestar”, ka thënë Tahiri.
Tahiri ka thënë se një pjesë e pushtetit është “verbuar skajshmërisht” dhe sipas tij, tjetra vazhdon me “eksperimente”.
“Një pjesë e pushtetit është verbuar skajshmërisht, e tjetra vazhdon me eksperiment pas eksperimenti”, ka thënë ai.