Ministri Peci: 8.5 milionë euro subvencion për sektorin e bletarisë

Ministri i Bujqësisë, Faton Peci, ka bërë të ditur se përmes granteve dhe subvencioneve janë ndarë 8.5 milionë euro për sektorin e bletarisë

Foto nga Ministria e Bujqësisë, 20 maj 2024.

Mbështetja e Ministrisë së Bujqësisë, Pylltarisë dhe Zhvillimit Rural për sektorin e bletarisë përmes subvencioneve dhe granteve arrin në 8.5 milionë euro.

Kjo mbështetje është bërë e ditur nga ministri i BPZhR-së, Faton Peci, me rastin e shënimit të “Ditës Botërore e Bletës”.

Po në këtë ditë, ministri Peci ka vizituar bletarin Bajram Bajrami nga fshati Berivojc i Komunës së Kamenicës, i cili posedon 700 koloni të bletëve, në rreth 400 koshere, të shpërndara në 13 parqe të ndryshme.

Siç ka njoftuar Ministria në fjalë, gjatë vizitës në veprimtarinë e këtij bletari, ministri Peci ka parë nga afër se në këtë fermë plotësohet zinxhiri i vlerës nga prodhimi dhe përpunimi i produkteve dhe i nënprodukteve të mjaltës deri edhe te përpunimi i helmit të bletës si një ndër produktet kyçe për përdorim në mjekësi.

“Bletarinë si një ndër sektorët më me potencial në vend po e mbështesim përmes subvencioneve dhe granteve, duke ndikuar në këtë mënyrë zhvillimin dhe avancimin e mëtejmë të kësaj veprimtarie bujqësore”, ka thënë ministri Peci.

Po ashtu, ai ndër të tjerash, ka theksuar se ashtu siç bletët punojnë në grup dhe për të mirën e përgjithshme të kolonive, ashtu edhe ne si shoqëri duhet të ndjekim shembullin e tyre drejt krijimit të politikave zhvillimore në favor të fermerëve tanë dhe të zhvillimit ekonomik të vendit.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika