Kryetari i Lidhjes Demokratike të Kosovës, Lumir Abdixhiku, ka pasur një drekë pune me ambasadorin e Shteteve të Bashkuara të Amerikës në Prishtinë, Jeffrey Hovenier.
Në një postim në Facebook, Abdixhiku ka njoftuar se me ambasadorin Hovenier kanë folur për vizionin euroatlantik të Republikës së Kosovës.
“Një drekë pune e rregullt, me ambasadorin e ShBA-ve në Kosovë, Jeffrey Hovenier. Kënaqësi, si gjithherë bashkëbisedimi e pajtimi për vizionin euroatlantik të Republikës së Kosovës, si dhe ecjen e ngushtë me ShBA-të në të gjitha rrugëtimet tona përpara”, shkroi Abdixhiku.