Analisti, Belgzim Kamberi, ka thënë se ambasadori gjerman në Kosovë, Jorn Rohde, dhe ai francez në Kosovë, Olivier Guérot, në emisionin “Debat Plus” në RTV Dukagjini, janë të gatshëm ta trajtojnë anëtarësimin e Kosovës në Këshillin e Evropës (KiE), por sipas tij, të njëjtit e rikonfirmuan qëndrimin e tyre se nuk ka anëtarësim në KiE, nëse nuk dërgohet draft-statuti në Gjykatë Kushtetuese.
“Kjo mendoj që është një mesazh për Qeverinë e Kosovës, e cila sikur donte të thonte se ne jemi të gatshëm të bëjmë një draft-statut tjetër, dhe të dy ambasadorët e rikonfimuan që nuk janë të interesuar për këtë qëndrim”, ka thënë Kamberi.
Kamberi ka thënë se këta ambasdorë e konfirmuan “ngërçin” që ekziston në mes të QUINT-it dhe Qeverisë së Kosovës, derisa ka theksuar se Rohde dhe Guerot vazhdojnë të kenë qëndrime të njëjta.
Sipas tij, do të vazhdojmë të jemi në këto pozicione deri në zgjedhje të reja.
Ambasadori i Francës në Kosovë, Olivier Guérot, ka shpejguar në “Debat Plus” se çfarë nënkuptojnë me koordinim dhe pse është i rëndësishëm për ta.
Ai ka thënë se koordinim do të thotë që autoritetet e Kosovës të mos i zënë në befasi shtetet mike, siç janë Franca, Gjermania e shtetet e tjera.
Lexo më shumë: Ambasadori francez kërkon nga Qeveria të mos i surprizojë, thekson nevojën e koordinimit
Lexo më shumë: Ambasadori Guerot: Të gjithë presim diçka nga Kosova për Asociacionin
Koordinim sipas tij do të thotë që KFOR-i dhe EULEX-i të njoftohen paraprakisht për veprimet e rëndësishme.
Ndërsa, ambasadori i Gjermanisë në Kosovës, Jorn Rohde, ka thënë se Gjermania nuk e ka vënë në pikëpyetje asnjëherë legjitimitetin e rregullores së BQK-së, por sipas tij zbatimi i saj ishte i pakoordinuar.
Lexo më shumë: Ambasadori gjerman thotë se këshillat e tyre po injorohen, kërkon nga Qeveria të mos veprojë pa koordinim
Ai ka thënë se këshillat e Gjermanisë po injorohen dhe se kjo nuk krijon atmosferë të mirë.