Policia e Kosovës ka arrestuar një burrë në Prishtinë nën dyshimin se ka sulmuar fizikisht gruan e tij.
Viktima ka pranuar tretman mjekësor.
Në raportin 24-orësh të policisë bëhet e ditur se në shtëpinë e tij janë sekuestruar tri armë.
“Është arrestuar i dyshuari mashkull kosovar për shkak se kishte sulmuar bashkëshorten e tij. Viktima ka pranuar trajtim mjekësor. Gjatë kontrollit në shtëpinë e të dyshuarit janë gjetur dhe sekuestruar tri armë, 3 karikatorë me 14 fishekë. I dyshuari pas intervistimit me vendim të prokurorit është dërguar në mbajtje”, thuhet në raportin e PK-së.