Eventi më i madh i bukurisë në botën shqiptare, i cili u mbajt të premten e 10 qershorit, nën drejtimin e Soni Malajt dhe Teni Vllaçaj, përcolli emocione të shumta.
Spektakli i mbajtur këtë vit u shoqërua me një sërë yjesh të tjerë, të cilët performuan si, Anxhela Peristeri, Gena, DJ Miss Rose, Manjola Nallbani, Capital T e të tjerë.
Të gjitha biletat e të pranishmëve do të shkojnë për ndihmë në Ukrainë.
Kurorën e “Miss Universe Kosova” e ka fituar bukuroshja Roksana Ibrahimi. Ajo u përzgjodh si më e bukura e këtij viti, ndërkohë që kurora iu dorëzua nga “Miss Universe Kosova 2020”, Tuti Sejdiu.
Ndërsa “Miss Universe Albania 2022” e ka fituar modelja Deta Kokomani .
