Klubet e Premier League kanë votuar kundër heqjes së sistemit VAR.
Kërkesa ishte bërë nga klubi i Wolves, pas disa vendimeve të diskutueshme të VAR-it gjatë sezonit të kaluar.
Megjithatë, në mbledhjen e përgjithshme vjetore të klubeve të Premier League (AGM) të enjten, propozimi i Wolves u refuzua, ka raportuar Sky Sports.
Nga votimi, 19 klube votuan në favor të mbajtjes së VAR-it, ndërsa vetëm një klub, që besohet të jetë vetë Wolves, votoi kundër.
Për të ndryshuar rregullat në Premier League nevojiten të paktën 14 vota pro nga 20 klubet.
Shumica e klubeve angleze mbështesin përdorimin e VAR-it, por kërkojnë përmirësime në vend që ta anulojnë tërësisht këtë sistem teknologjik.