Gjatë ditës së shtunë janë arrestuar dy persona.
Sipas raportit të Policisë, të arrestuarit janë babë e djalë, ku të njëjtit janë përfshirë në sulme fizike ndaj njëri tjetrit, njofton Dukagjini.
Fillimisht i dyshuari-babai kishte sulmuar bashkëshorten e vet, ndërsa djali kishte ndërhyrë në mbrojtje të nënës duke e sulmuar babin, të cilit i ka shkaktuar lëndime.
Pas përleshjes, babait i është ofruar tretman mjekësor në QKUK.
Kurse pas intervistimit të të dy palëve, me vendim të prokurorit ata janë dërguar në mbajtje.
“Prishtinë, 08.06.2024-18:40. Janë arrestuar dy të dyshuar kosovar (babë e djalë), pasi që të njëjtit janë përfshirë në sulme fizike ndaj njëri-tjetrit, për shkak se fillimisht i dyshuari-babai kishte sulmuar viktimën kosovare-bashkëshorten e vet, ndërsa i dyshuari-djali kishte ndërhyrë në mbrojtje të viktimës-nënës së vet duke e sulmuar të dyshuarin-babain, të cilit i ka shkaktuar lëndime. Të dyshuarit-babait i është ofruar tretman mjekësor në QKUK, ndërsa pas intervistimit të palëve të përfshira, me vendim të prokurorit, dy të dyshuarit janë dërguar në mbajtje,” shkruhet nw raportin e Policisw.