Me rastin e 50-vjetorit të karrierës së Shkurte Fejzës, presidentja, Vjosa Osmani ka shkruar se zëri i artistes jehon në trojet shqiptare, tash e gjysmë shekulli.
“Zëri i Shkurte Fejzës për gjysmë shekulli jehon cep më cep hapësirës shqiptare. “Xhamadani vija-vija” dhe “Mora fjalë”, janë himnet tona të përbotshme, të përjetësuara nga zëri magjik i të madhes sonë.”
Teksa thotë se në kohët e vështira kur synohej shfarosja jonë, ajo i dha zë popullit përmes këngës e që u shndërrua në zërin e lirisë.
“Në kohët më të vështira kur synohej shfarosja jonë, ajo i dha gjithë popullit të Kosovës zë nëpërmjet këngës. U shndërrua në zërin e lirisë! Urime për 50 vite të arta Shkurte Fejza! Të këndoftë zemra përgjithmonë,” shkruan e para vendit në Facebook.