Për nder të 25-vjetorit të çlirimit të Kosovës, do të bëhet parakalimi i njësive të Forcës së Sigurisë së Kosovës dhe të Policisë së Kosovës.
Aty do të marrë pjesë edhe presidentja Osmani.
Ministri i Mbrojtjes, Ejup Maqedonci, tha se këtë herë do të ketë numër jashtëzakonisht të madh të pjesëtarëve të FSK-së që do të parakalojnë në sheshin e Prishtinës.
“Do të parakalojnë në sheshin e Prishtinës njësitet e Forcës së Sigurisë së Kosovës, bashkë edhe me ato të Policisë së Kosovës. Për herë të parë do të kemi një numër jashtëzakonisht të madh të pjesëtarëve që do të jenë pjesë e kuadrateve të FSK-së që do të marshojnë në sheshin e Prishtinës dhe kjo bëhet për arsye se jemi duke festuar 25-vjetorin e çlirimit të vendit, vendosjes së paqes në Kosovë. Në këtë aspekt, përveç prezantimit të pjesëtarëve, kuadrateve, do të kenë gjithashtu këto kuadrate dhe këta pjesëtarë edhe sisteme të armatimit kryesisht individuale që mund të mos jenë parë nga publiku deri tash”, ka deklaruar Maqedonci.
Parakalimi pritet të fillojë në orën 12:00, ku edhe do të ekspozohen sisteme të ndryshme të armatimit.
“Nisja bëhet me fillim në ora 12:00 nga objekti i Qeverisë deri te sheshi “Zahir Pajaziti”, thuhet në njoftim.