Osmani: Çlirimi i Kosovës në 99-tën, kapitullim i Serbisë Millosheviqiane

Presidentja e Kosovës, Vjosa Osmani ka thënë se pjesëtarët e NATO-s nuk ishin thjesht ushtarë kur hynë në Kosovë, por shpëtimtarë

Presidentja e Kosovës, Vjosa Osmani, me rastin e 25-vjetorit të çlirimit të Kosovës, në seancën solemne në Kuvend ka thënë se çlirimi i Kosovës në vitin 99 nuk ishte thjesht fitore ushtarake dhe kapitullim i Serbisë Milosheviqiane, por triumf i shpirtit njerëzor mbi tiraninë, triumf i së mirës ndaj të keqes e i drejtësisë mbi shtypjen.

Osmani, në fjalimin e saj, ka thënë se me rastin e ndërhyrjes së NATO-s në Kosovë, muret e tiranisë u shembën duke e hapur rrugën për Kosovën e lirë e demokratike.

“Ata sollën me vete premtimin e lirisë, sigurinë se bota nuk kishte harruar për popullin e Kosovës dhe vendosmërinë për t’i dhënë fund mizorive të kryera kundër popullit tonë. Hyrja e NATO-s në qershor të 1999-s ishte fuqi e solidaritetit ndërkombëtar dhe besimit universal të një populli për të qenë i lirë. Liria është më shumë sesa fjalë. Është thelbi i qenies sonë. Ajri që e thithim, ëndrra që guxojmë ta ëndërrojmë. E ardhmja që aspiruam dhe për  të cilën luftuan e dhanë jetën çlirimtarët tanë”, ka thënë Osmani.

25 vjet pas, Osmani ka thënë se Kosova e meriton anëtarësimin në NATO.

Në këtë ditë, ajo ka thënë se mbi të gjitha duhet nderuar stoicizmin e popullit të Kosovës dhe ushtrinë çlirimtare.

“Sot teksa nderojmë ushtarët e NATO-s, nderojmë mbi të gjitha stoicizmin e popullit tonë dhe ushtrinë tonë çlirimtare me bindjen e plotë se liria nuk është dhuratë, por për të u pagua çmimi më i lartë”, ka vijuar Osmani.

Kosova sot e shënon 25-vjetorin e Ditës së Lirisë apo Çlirimit të Kosovës, kur trupat paqeruajtëse të NATO-s hynë në Kosovë pas fushatës ajrore të aleancës veriatlantike kundër caqeve ushtarake e policore serbe në Kosovë dhe Serbi.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika