Hani i Elezit bëhet me Qendër të re të Kulturës dhe Rinisë, nga një investim dypalësh, i Ministrisë së Kulturës, Rinisë (MKS) dhe Sportit dhe Komunës së Hanit të Elezit.
Njoftim për hapjen e kësaj qendreje e ka bërë MKS-ja, përmes një postimi në faqen e zyrtare në Facebook.
Ky objekt i destinuar për aktivitete kulturore ka kalur nëpër tri faza të investimeve.
Kjo qendër ka një hapësirë prej tre mijë e gjashtëqind metra katror, dhe përbëhet nga salla kryesore, e cila është salla teatrale me 443 ulëse, biblioteka, salla e seminareve, salla e sporteve marciale, hapësira për ekspozita.
Kjo qendër e kulturës është shumë më rëndësi për qytetarët e kësaj komune, të cilët tash e tutje do të kenë një hapësirë multifunksionale për t’i zhvilluar aktivitetet e tyre kulturore dhe sportive.
