Policia e Kosovës ka arrestuar tre persona në Gjakovë pasi shpërndanë video në rrjete sociale duke gjuajtur me armë.
Kështu është bërë e ditur në raportin e përditshëm të policisë.
Policia i ka identifikuar dhe ka bastisur shtëpinë e tyre prej nga ka sekuestruar një pistoletë.
Pas intervistimit, ata janë liruar në procedurë të rregullt.
“Është raportuar se në rrjete sociale, është duke qarkulluar një video ku shihen disa persona duke shtënë me armë zjarri. Lidhur me rastin janë identifikuar tre të dyshuar një mashkull kosovar dhe dy femra kosovare. Në konsultim me prokurorin është bërë bastisja në shtëpinë e të dyshuarave, ku gjatë kontrollit janë gjetur dhe sekuestruar një pistoletë dhe një karikator me 17 fishekë të kalibrit 9 mm”, thuhet në raportin e PK-së.