Një 2-vjeçar nga Ferizaji ka vdekur teksa ishte duke u trajtuar në Qendrën Klinike Universitare të Kosovës (QKUK).
Kështu bëhet e ditur në raportin 24-orësh të policisë.
Me vendim të prokurorit trupi i pajetë i viktimës u është liruar familjarëve, teksa rasti është iniciuar si “Hetim mbi vdekjen”.
“Është raportuar se në QKUK viktima mashkull kosovar, i moshës dy vjeçare, i cili ishte duke u trajtuar, ka ndërruar jetë. Me vendim të prokurorit trupi i pa jetë i viktimës u është liruar familjarëve”, thuhet në raportin e PK-së.