Dyshohet se është arrestuar një person që ka qenë në kontakt me të dyshuarin për vrasjen e një polici serb dhe plagosjen e një tjetri në Loznicë të Serbisë.
Siç raportohet në media, Policia e Republikës Srpska – e cila ka aktivizuar xhandarmërinë për kërkimin e të dyshuarit – e ka arrestuar në një restorant në rrugën Raçanska, në qytetin e Bijeljina. Qyteti është nën rrethimin e forcave policore.
I arrestuari, sipas dyshimeve të para, ka qenë në kontakt me vrasësin e arratisur, por ende nuk dihet nëse ai e ka ndihmuar drejtpërdrejt në arratisjen.
Ndërkaq, autoritetet serbe janë duke punuar që ta identifikojnë nëse personi i dyshuar për vrasjen e policit serb dhe plagosjen e një tjetri është Artan Hajrizi apo vëllai i tij Faton Hajrizi ka deklaruar ministri i Brendshëm, Ivica Daçiq, teka ka komentuar një kartë identiteti gjermane në emër të Artan Hajrizi që dyshohet se u gjet në vendin u ndodhi vrasja.
“Po përcaktojmë nëse është personi të cilit i kemi gjetur dokumentet apo është vëllai i tij”, ka thënë Daçiq.
Por, Artan Hajrizi ka mohuar të ketë pasur dorë në vrasjen e policit në Serbi.
Ai, për Dukagjinin ka thënë se gjendet në Gjermani, derisa ka pretenduar se i janë vjedhur dokumentet identifikuese nga vëllai i tij, Faton Hajrizi.
“Jam në policinë e Gjermanisë në Honiver, i kam lajmëru që m’i kanë vjedhur dokumentet e janë ecë”, ka thënë Artan Hajrizi ekskluzivisht për Dukagjinin.